Ўзбекистон Суперлигаси 2-туридан ўрин олган «Навбаҳор» - ОКМК (1:1) учрашуви якунлангач мезбонлар устози Самвел Бабаян дуранг хақида фикр билдирди.

"Дастлабки 20-25 дақиқада фантастик ўйин намойиш этдик. Бу пайтда 3-4 гол уриб олишимиз мумкин эди. Ҳисобда олдинга чиқиб ўйинни назорат қилаётган эдик. Рақиб дарвозамиз олдида деярли вазият яратмади. Улар дарвозамизга биргина зарба беришди ва айнан шу зарба голга айланди. Футболда шунақаси ҳам бўлади. Омад бугун рақибга кулиб боқди.

Биз ўйинни яхши ўтказдик дейишим мумкин. Устунлик қилдик, фақатгина керакли голларни ура олмадик дея оламан. Эпизодларда яхши ўйнадик. Балки шошгандирмиз. Футболчилар гол уришни жуда истаҳганди. Шу туфайли қаердадир шошган бўлишлари мумкин. Айтганимдек, рақибда биргина имконият бўлди ва улар буни голга айлантира олишди. Бу бизга омад кулиб боқмаганини билдиради.

Русланбек Жиянов - сифатли футболчи. Ҳараткатлари менга ёқаяпти. Ҳали бизга фойда келтира олади.

«Навбаҳор» либосида ўйнаш исталган футболчи учун босим. Футболчилар бу жамоада максимумини бериб ўйнашади. Бугун ҳам ажойиб ўйин намойиш этдик. Боя айтганимдек, бугун шунчаки омадимиз келмади, Мавсум давомида совринлар учун курашадиган жамоани кўрасиз", — деди Бабаян.