"Бавария" спорт директори Макс Эберль жамоанинг юлдуз ярим ҳимоячиси Жошуа Киммихнинг келажаги ҳақида фикр билдирди.
"Жошуанинг келажаги янги мураббийга боғлиқми? Янги мутахассиснинг ўз қарашлари бўлади, у футболчини бутунлай бошқача кўриши мумкин. Мен Киммих билан ўзим гаплашаман; биз ҳали суҳбатлашмаганмиз. Жошуа жамоа учун муҳим, у жуда муносиб ўйинчи", - деди клуб расмийси.
Эслатиб ўтамиз, жорий мавсум ярим ҳимоячи “Бавария” сафида 30 та ўйинда иштирок этган. Киммих битта гол урди ва жамоадошларига еттита голли узатма берди.
