"Ливерпуль" ҳужумчилари етакчиси Муҳаммад Салоҳ бош мураббий Юрген Клоппнинг жамоадан кетиши ҳақидаги хабарни қандай қабул қилганини тушунтирди.

Немис мутахассиси мавсум якунида "қизиллар"ни тарк этади.

"Бизда жамоавий йиғилиш бўлди. Мен у ерда Клоппнинг агентини кўрдим ва улар янги шартнома имзолайди деб ўйладим. Аммо кейин Виржил ван Дейк менга Юрген клубни тарк этаётганини айтди. Менда фақат битта савол бор эди: "Нима учун?" - деди Салоҳ инсайдер Фабрицио Романо билан суҳбатда.

Клопп 2015 йилнинг октябрь ойидан бери "мерсисайдликлар" бош мураббийи ҳисобланади. Томонлар ўртасидаги амалдаги шартнома 2025/2026 йилги мавсум охирида якунига етади.