Ҳуқуқлари Бильбаонинг "Атлетик" клубига тегишли бўлган ҳужумкор ярим ҳимоячи Нико Уильямсга инглиз клублари орасида талаб катта. Инсайдер Экрем Қўнғирнинг ижтимоий тармоқларда ёзишича, вингерга Лондоннинг "Тоттенхэм" клуби қизиқиш билдирмоқда.
"Шпорлар" Уильямсни қўлга киритиш учун жиддий рақобатга дуч келишади. Футболчини "Челси" ва "Манчестер Юнайтед" ҳам ўз сафига қўшиб олмоқчи. 21 ёшли испаниялик футболчининг шартномасида кўрсатилган товон пули 50 миллион еврони ташкил қилади.
Испания чемпионатининг жорий мавсумида Нико 22 та ўйин ўтказиб, 3 та гол ва 6 та голли узатмани амалга оширди.
