Ўзбекистон миллий терма жамоасининг ЖЧ-2014 4-саралаш босқичи «А» гуруҳидаги рақибларидан бири Жанубий Корея терма жамоаси 26 март куни Қатар терма жамоасига қарши ўз майдонида кечадиган учрашувга чақирилган футболчилар рўйхатини эълон қилди.

Жанубий Корея терма жамоаси 26 март куни ўз майдонида Қатар терма жамоасини қабул қилади. Терма жамоа бош мураббийи Чой Канг Хи мазкур учрашувда иштирок этиши мумкин бўлган 23 футболчидан иборат таркибни эълон қилди.

Жанубий Корея миллий терма жамоасининг Қатар терма жамоасига қарши учрашувга чақирилган футболчилар рўйхати:
Дарвозабонлар: Жун Сун Рёнг, Ким Ён Кванг, Ли Бум Йонг
Ҳимоячилар: Парк Вун Жае, Йун Сеок Йунг, Жунг Ин Хван, Ким Ки Хи, Квак Тае Хви, Жанг Хюн Су, Ким Чанг Су, О Бум Сук,
Ярим ҳимоячилар: Шин Хюн Мин, Хан Кук Йонг, Ли Кюн Хо, Жи Донг Вон, Ку Чжа Чхол, Ха Дае Сун, Ки Сун Йонг, Ким До Хюн, Ли Чунг Йонг
Ҳужумчилар: Сон Хенг Мин, Ким Шин Вук, Ли Дон Гук

Маълумот ўрнида, Қатар миллий терма жамоасига қарши ЖЧ-2014 саралаш 4-босқич «А» гуруҳи 7-тур учрашуви арафасида Жанубий Корея миллий терма жамоаси Сеулда халқаро ўртоқлик учрашувини ўтказади. 26 март куни корейсларга қарши майдонга тушадиган Қатар терма жамоаси ҳам, мазкур баҳсгача 2та ўртоқлик учрашувида майдонга тушиши ҳақида, аввалроқ хабар берилган эди.

Қайд этиш жоиз, ЖЧ-2014 саралаш 4-босқич «А» гуруҳида Ўзбекистон миллий терма жамоаси 8 очко билан пешқадамлик қилаётган бўлса, 2-ўриндаги Жанубий Корея ҳисобида 7 очко бор, айни вақтда, корейслар Ўзбекистонга нисбатан битта кам ўйин ўтказишган.

Эслатиб ўтамиз, 26 март куни Ўзбекистон миллий терма жамоаси саралаш доирасида Тошкентда Ливан терма жамоасини қабул қилади. Учрашув Тошкентдаги «Бунёдкор» стадионида ўтказилади.