“Ювентус” ўз майдонида “Аталанта” билан А Серия 28-тур учрашувида дуранг ўйнади – 2:2.
Мезбонларнинг голларига Андреа Камбьязо ва Аркадиуш Милик муаллифлик қилди. Уэстон Маккенни иккита голли узатмани амалга оширди. Бергамоликларда Тён Копмейнерс дубль қайд этди.
“Ювентус” ҳисобида 58 очко бор ва Италия чемпионати турнир жадвалида учинчи ўринда бормоқда.
"Аталанта" А Сериянинг кетма-кет 4 туридан буён ғалаба қозона олмаяпти - 2 мағлубият ва 2 дуранг. Жамоа 47 очко жамғарган ва қўшимча кўрсаткичлар бўйича “Рома”дан (47 очко ва бир ўйин) ортда қолиб, 6-ўринда бормоқда.
