Миланнинг “Интер” клуби ҳужумчи Алексис Санчес билан шартномани узайтириш ҳақида ўйламоқда.
35 ёшли футболчининг “нерадзуррилар” билан амалдаги шартномаси мавсум охирида якунига етади. Чилилик футболчининг келажаги сўроқ остида эди, аммо ҳозир, FcinterNews хабарига кўра, клуб шартномани узайтиришга кўпроқ мойил бўлмоқда. Форварднинг сўнгги ўйинлардаги ўйини "Интер" раҳбариятини унинг муносиблигига ишонтирди ва апрель ойида томонлар келгусидаги ҳамкорликни муҳокама қилишади.
Алексис Санчес ушбу мавсумда 24 та ўйинда майдонга тушиб, 3 та гол урди ва 3 та голли узатмани амалга оширди. А Сериянинг сўнгги тўртта ўйинида футболчи битта гол урди ва учта голли узатмани амалга оширди.
