"Реал Мадрид" бош мураббийи Карло Анчелотти ярим ҳимоячи Арда Гюлернинг ўйини ҳақида ўз фикрлари билан ўртоқлашди.
19 ёшли футболчи “Лос-Бланкос” сафидаги илк голини “Сельта”га (4:0) қарши Ла Лига учрашувида киритганди.
Ўтган ёзда "Фенербахче"дан келган туркиялик ёш футболчи "Реал" сафида бор йўғи 6та ўйинда майдонга тушди. Умидли футболчи жароҳати сабаб мавсумнинг биринчи ярмини тўлиқ ўтказиб юборди.
“Гюлер жуда кам ўйнади, лекин ҳар доим нимадир кўрсата олишига ишонади.
У ўз истеъдодини ниҳоят кўрсатди. Арда жуда иқтидорли ўйинчи, у сезиларли даражада яхшиланган ва катта шиддат билан ўйнайди. Унинг келажаги "Реал"да, бунга ҳеч қандай шубҳа йўқ", - дея Анчелоттининг сўзларини келтиради Madrid Xtra.
