"Реал Мадрид" бош мураббийи Карло Анчелоттининг фикрича, мухлислар Лука Модрич билан хайрлашишга ҳали эрта.
Хорватиялик футболчи, турли манбаларга кўра, жорий мавсум якунида, амалдаги шартномаси якунига етгач, "Лос-Бланкос" сафини тарк этади. Анчелоттининг сўзларига кўра, мухлислар олқишлари бунга эмас, балки 38 ёшли ярим ҳимоячининг ажойиб ўйинига боғлиқ.
“Модрич ажойиб ўйин кўрсатди. Мухлислар уни "Реал"даги сўнгги ўйинлари бўлгани учун эмас, балки яхши ўйини учун олқишлаяпти", - дея италиялик мураббийнинг "Сельта" устидан қозонилган ғалабадан кейин (4:0) сўзларини келтиради Madrid Xtra.
