Халқаро футбол тарихи ва статистикаси қўмитаси дунё клубларининг янги рейтингини эълон қилди. Унга кўра, рейтингда бир қатор ўзгаришлар кузатилди.

Биринчи навбатда Ўзбекистон клубларининг бу борада юқорилагани эътиборга молиқ. Осиё чемпионлар лигасини муваффақиятли бошлаган иккала жамоамизнинг натижалари ҳам рейтингга ўз таъсирини ўтказди.

«Бунёдкор» февраль ойидаги рейтингда 116-ўринни эгаллаган бўлса, бу сафар 15 поғона юқорилаб 101-ўринга кўтарилиб олди. «Бунёдкор» бу борада Осиёда 5-жамоа бўлиб турибди. Тошкентнинг «Пахтакор» эса бу сафар 296-ўриндан бир йўла 236-ўрингача кўтарилди.

Умумий рейтингда эса узоқ муддатли пешқадам «Барселона» бу ойга келиб бир йўла 4 поғона пастлаб кетганини кўришимиз мумкин. «Атлетико» ўз ўрнини сақлаб қолган бўлса, «Челси» бир йўла икки поғона кўтарилиб рейтингнинг энг юқорисига кўтарилиб олди. Кучли учликни «Бавария» эгаллаб турибди.

Қуйида рейтингнинг кучли ўнлиги ва клубларимизнинг жойлашуви билан танишиб олишингиз мумкин.

1. (3). «Челси» (Англия) — 307 баллов.
2. (2). «Атлетико» (Испания) — 304.
3. (5). «Бавария» (Германия) — 292.
4. (6). «Коринтианс» (Бразилия) — 287.
5. (1). «Барселона» (Испания) — 283.
6. (4). «Бока Хуниорс» (Аргентина) — 281.
7. (7). «Реал» (Испания) — 277.
8. (11). «Ювентус» (Италия) — 241.
9. (19). «Интер» (Италия) — 234.
10. (13). «Сан-Пауло» (Бразилия) — 226.
...
101. (116) «Бунёдкор» (Ўзбекистон) - 123
236 (296) «Пахтакор» (Ўзбекистон) - 82.5.