"Реал Мадрид"нинг ўнг қанот ҳимоячиси Лукас Васкес келажаги ҳақида ўз фикрлари билан ўртоқлашди. Мавсум охирида тажрибали футболчининг "Қироллик клуби" билан шартномаси тугайди, аммо раҳбарият унга янги шартнома таклиф қиладими ёки йўқми, Лукас ҳозирча билмайди.
"Мен "Реал Мадрид"да жуда бахтлиман, лекин келажакда нима бўлишини билмайман. Кўрамиз", - дея ҳимоячининг сўзларини келтиради Madrid Xtra.
32 ёшли Васкес сўнгги ойларда Италия А Серияси ва Англия Премьер-лигаси клубларига ўтиши мумкинлиги ҳақида хабарлар тарқалган эди. Жорий Испания чемпионатида Лукас битта гол ва учта голли узатмани амалга оширди.