Испаниянинг “Барселона” клуби дарвозабони Марк-Андре Тер Штеген Италиянинг “Наполи” жамоасига қарши Чемпионлар лигаси 1/8 финали жавоб ўйинидан умидлари билан ўртоқлашди.
"Наполи" рақобатбардош ва сўнгги ҳафталарда анча яхшиланди. Лекин биз ўз ишимизни ўйлаймиз ва футболимиз ҳақида қанчалик кўп ўйласак, шунча яхши бўламиз. Кейинги босқичга чиқиш учун ҳамма нарсани қиламиз. 2015 йилдан бери биз Чемпионлар лигаси финалига яқин қолганимизда ўз хатоларимиз туфайли етиб бора олмадик. Аммо бир кун бизнинг вақтимиз яна келади ва эртага яна ғалаба қозониш имкониятини яратиш учун ажойиб имконият бўлади. Барча ўйинчилар Чемпионлар лигаси мадҳиясини эшитишни хоҳлашади, биз мотивациялимиз ва ҳаяжондамиз", - деди Тер Штеген УЕФА расмий сайтига.
Эслатиб ўтамиз, “Барселона” – “Наполи” учрашуви эртага, 12 март куни бўлиб ўтади. Биринчи учрашув 1:1 ҳисобида дуранг билан якунланган эди.
