"Наполи"нинг ҳужумкор ярим ҳимоячиси Маттео Политано Чемпионлар лигаси 1/8 финалида "Барселона" билан бўлажак ўйин ҳақида гапирди.
Жамоалар ўртасидаги жавоб учрашуви бугун, 12 март куни бўлиб ўтади ва Тошкент вақти билан соат 01:00да бошланади.
- "Барселона" кучли футболчиларга эга топ жамоа бўлиб қолмоқда. Биринчи ўйинда улар бизга биринчи бўлимда жуда кўп муаммоларни юзага келтиришди. Эртага қийин ўйин бўлади.
Пенальтилар серияси учун тайёрланяпсизми? Бугун машғулотлар якунида уларни синаб кўрдик. Аммо биз ўйиннинг асосий вақтида ғалаба қозонишга умид қиламиз", - дея футболчининг сўзларини келтиради УЕФА расмий сайти.
