"Реал Мадрид"нинг франциялик футболчиси Эдуардо Камавинга жорий мавсум Мадрид клубида қўлга киритиш мумкин бўлган барча совринларни ютишни истаётганини айтди.
"Бу йил клуб билан Испания чемпионатида ҳам, Чемпионлар лигасида ҳам барча совринларни қўлга киритишни мақсад қилганман. Чорак финалда “ПСЖ” билан тўқнаш келишимиз мумкин, аммо “Реал” ҳеч қандай рақибдан қўрқмайди. Сиз ҳаракат қилиб, олдинга боришингизга тўғри келади ", - дея Камавинга сўзларини келтиради Telefoot.
"Реал Мадрид" Ла Лиганинг жорий мавсумида 28-турдан кейин 69 очко билан турнир жадвалида пешқадамлик қилмоқда. Иккинчи ўриндаги “Жирона”дан 7 очколик фарқи бор.
