“Ан-Наср” бош мураббийи Луиш Каштру жамоанинг Осиё чемпионлар лигасини тарк этиши ҳақида фикр билдирди. Жамоа чорак финал жавоб учрашувида “Ал-Айн”га пенальтилар сериясида мағлуб бўлди (3:2 – асосий вақт, 1:1 – қўшимча вақт, 1:3 – пенальтилар серияси).

"Мендаги ягона қайғу шундаки, мен "Ан-Наср" мухлисларини хурсандчилик билан уйга юбора олмадим. Биз Қирол кубоги ва Суперкубогида ғалаба қозонишимиз мумкин, лекин ютмаслигимиз эҳтимоли ҳам бор.

Агар ишим яхши ёки ёмонлигини билмоқчи бўлсангиз, бу ҳақда ўйинчилардан сўранг. Мен ишдан бўшатишдан қўрқмайман. Менинг жамоада мавжудлигим машаққатли меҳнатдан келиб чиқади ва мен бу ерда фақат натижалар учун эмасман. Биз пенальтиларни машқ қилдик ва уларнинг ижроси учун футболчилар жавобгардир", — деди Каштру.

Қайд этиш керакки, пенальтилар сериясида “Ан-Наср”нинг уч нафар футболчиси зарбаларини голга айлантира олмади. “Ан-Наср” сафила пенальтилар сериясида ягона гол Криштиану Роналду томонидан киритилди.