«Челси» ярим ҳимоячиси Коул Палмер нима учун «Манчестер Сити»ни тарк этиб, Лондон жамоасига ўтишга қарор қилгани ҳақидаги саволга жавоб берди.
«Мен "Манчестер Сити"ни тарк этишга қарор қилдим, чунки мен ҳар ҳафта майдонга тушишга тайёрман деб ўйладим. Шунинг учун мен "Челси"га ўтдим. Мен ўз қобилиятларимни мунтазам равишда намойиш этишни хоҳлардим. Бу ўз самарасини берди», — дея Палмер сўзларини келтирган журналист Фабрицио Романо.
Палмер «Манчестер Сити» тарбияланувчиси ҳисобланади. Ярим ҳимоячи ўтган йилги ёзги трансфер ойнасининг сўнгги кунида 47 миллион евро эвазига «Челси»га ўтган эди.
