"Ливерпуль" "Барселона"дан Луис Диас учун қанча талаб қилаётгани маълум бўлди.

Колумбиянинг El Heraldo газетаси хабарига кўра, Диаснинг жорий мавсумдаги ўйини "Барселона"нинг эътиборини тортди.

Ўтган ҳафтада колумбияликнинг вакили Карлос Ван Стрален Каталония клуби президенти Жоан Лапорта билан кечки овқатда бўлиб, агар музокаралар бошланса, "Ливерпуль" қанча пул сўрашини билмоқчи бўлди.

Лапортага Диас учун 120-140 миллион евро талаб қилишлари айтилган. "Барса" учун бундай харажатлар ҳозир мумкин эмас. Бу ҳақда Лапорта футболчининг агентига маълум қилди.

Қайд этилишича, "Ливерпуль" ушбу баҳога мос келадиган таклиф тушса, Луисни қўйиб юборишга тайёр.

Чап қанот вингери жорий мавсумда “Ливерпуль” сафида 38 та ўйинда майдонга тушиб, 11 та гол ва 3 та голли узатмага муаллифлик қилган.