"Liverpul" "Barselona"dan Luis Dias uchun qancha talab qilayotgani ma’lum bo‘ldi.

Kolumbiyaning El Heraldo gazetasi xabariga ko‘ra, Diasning joriy mavsumdagi o‘yini "Barselona"ning e’tiborini tortdi.

O‘tgan haftada kolumbiyalikning vakili Karlos Van Stralen Kataloniya klubi prezidenti Joan Laporta bilan kechki ovqatda bo‘lib, agar muzokaralar boshlansa, "Liverpul" qancha pul so‘rashini bilmoqchi bo‘ldi.

Laportaga Dias uchun 120-140 million yevro talab qilishlari aytilgan. "Barsa" uchun bunday xarajatlar hozir mumkin emas. Bu haqda Laporta futbolchining agentiga ma’lum qildi.

Qayd etilishicha, "Liverpul" ushbu bahoga mos keladigan taklif tushsa, Luisni qo‘yib yuborishga tayyor.

Chap qanot vingeri joriy mavsumda “Liverpul” safida 38 ta o‘yinda maydonga tushib, 11 ta gol va 3 ta golli uzatmaga mualliflik qilgan.