"Челси" бош мураббийи Маурисио Почеттино ярим ҳимоячи Коул Палмернинг "Ньюкасл"га қарши ўйини ҳақида фикр билдирди.
Англиялик футболчи гол ва голли узатмани амалга ошириб, “Челси”га 3:2 ҳисобида ғалаба қозонишга ёрдам берди.
"Коул яна бир бор ўз даражасини кўрсатди. Бизда шундай футболчи борлиги жуда ёқимли. Бу ўйинни боғлай оладиган футболчи. Палмер фантастик савияни кўрсатмоқда ва кундан-кунга етуклашиб бормоқда", - деди Почеттино матбуот анжуманида.
Коул Англия Премьер-лигасининг жорий мавсумида 11 та гол ва 8 та голли узатмани амалга оширди.
