Лондоннинг "Арсенал" клуби бугун "Порту"га қарши Чемпионлар Лигаси жавоб ўйинини ўтказади.

Клуб раҳбарияти жароҳати туфайли жамоасига ёрдам бера олмайдиган ҳужумчи Габриэл Мартинеллининг ҳолатидан хавотирда.

Gunners Blog хабарига кўра, "канонирлар" бразилиялик футболчи халқаро танаффусдан сўнг 31 март куни "Этиҳад"да "Манчестер Сити"га қарши Англия Премьер-лигаси ўйинида майдонга қайтишига умид қилмоқда.

Эслатиб ўтамиз, Мартинелли Бразилия терма жамоаси ихтиёрига бормайди ва терма жамоадаги танаффус вақтида тикланишини Лондонда давом эттиради. Премьер-лиганинг ушбу мавсумида ҳужумчи 6 та гол ва 4 та голли узатмани амалга оширди.