Londonning "Arsenal" klubi bugun "Portu"ga qarshi Chempionlar Ligasi javob o‘yinini o‘tkazadi.
Klub rahbariyati jarohati tufayli jamoasiga yordam bera olmaydigan hujumchi Gabriel Martinellining holatidan xavotirda.
Gunners Blog xabariga ko‘ra, "kanonirlar" braziliyalik futbolchi xalqaro tanaffusdan so‘ng 31 mart kuni "Etihad"da "Manchester Siti"ga qarshi Angliya Premyer-ligasi o‘yinida maydonga qaytishiga umid qilmoqda.
Eslatib o‘tamiz, Martinelli Braziliya terma jamoasi ixtiyoriga bormaydi va terma jamoadagi tanaffus vaqtida tiklanishini Londonda davom ettiradi. Premyer-liganing ushbu mavsumida hujumchi 6 ta gol va 4 ta golli uzatmani amalga oshirdi.
