Ҳамюртимиз Аббосбек Файзуллаев ўйнаётган Москванинг ЦСКА клуби бош директори Роман Бабаев клуб Россиянинг "АвтоВАЗ" енгил автомобилларини ишлаб чиқаришга ихтисослашган автомобилсозлик компанияси билан ҳамкорликни бошлаганини маълум қилди.
"Биз Россияда автомобил бозорида етакчи, таниқли маҳаллий ҳамкоримиз борлигидан жуда мамнунмиз. Ишончим комилки, бизнинг ҳамкорлигимиз автомобил ишқибозлари ўртасида брендимизни тарғиб қилиш борасида клубга фойда келтиради. Умид қиламизки, ҳамкорлигимиз самарали ва ўзаро манфаатли бўлиб, келажакда узоқ муддатли бўлади", — деди Бабаев.
20 турдан кейин ЦСКА РПЛ турнир жадвалида 32 очко билан тўртинчи ўринда бормоқда.
