"Интер" бош мураббийи Симоне Индзаги бўлажак рақиб - "Атлетико Мадрид"нинг учрашувдаги тактик схемаси ҳақидаги саволга жавоб берди.
Чоршанба куни Испания пойтахтида Чемпионлар лигасининг 1/8 финал босқичидаги жамоаларнинг жавоб учрашуви бўлиб ўтади. Биринчи учрашув "нерадзуррилар"нинг 1:0 ҳисобидаги ғалабаси билан якунланган эди.
"Диего Симеоненинг ўйин режаси қандай бўлишини олдиндан айта олмайман. "Атлетико" биз билан бир хил тизимда ўйнайди, лекин баъзида ўзгариб туради. Бироқ, бу унчалик муҳим эмас. Бизда ажойиб таркиб борлигидан бахтиёрман. Биз ушбу ўйиндан кейин турнирдаги иштирокимизни давом эттирмоқчимиз" - дея Индзаги сўзларини келтиради журналист Даниэле Мари.
