Суперлига 3-турида "Пахтакор" Тошкент дербисида "Локомотив" билан майдонга тушади.

Чемпионатлар тарихида жамоалар жами 38 бор тўқнаш келишган. Уларнинг 24тасида "Пахтакор" ғалаба қозонган. 8 беллашувда дуранг натижа қайд этилиб, 6 марта "Локомотив" устун келган. Рақиб дарвозасига 82 гол урган "Шерлар" 32 тўп ўтказиб юборишган. 2020 йилги мавсумда ўзаро ўйинлар тарихидаги энг йирик натижа кузатилган. Ўшанда "Пахтакор" 7:0 ҳисобида муваффақиятга эришган. 2005 йилги беллашувда эса Анвар Солиев рақиб дарвозасига 5та тўп киритган!

"Шерлар"нинг сафардаги ўйинларида кўрсаткичлар шундай кўриниш олган: 11 ғалаба, 5та дуранг ва 3 мағлубият. Голлар бўйича устунлик "Пахтакор" фойдасига - 45:19. Меҳмондаги энг йирик ғалаба 6:1 натижаси 2005 йил кузатилган.

"Локомотив" ва "Пахтакор" жамоалари ўртасидаги учрашув 14 март, пайшанба куни соат 18:45да "Локомотив" стадионида бошланади.