Каталониянинг “Барселона” клуби бош мураббийи Хави Эрнандес жамоасининг Чемпионлар лигаси чорак финалидаги имкониятларига баҳо берди. “Кўк-анорранглилар” бу босқичдаги рақибини эртага қуръа ташлаш маросимидан кейин билиб олади.
“Бизнинг чорак финалдаги барча мумкин бўлган рақибларимиз жуда кучли. Биз қуръа ташлашни бирга томоша қиламиз. Умид қиламанки, биз ўз савиямиздаги ўйинни кўрсата оламиз", - деди Хави матбуот анжуманида.
"Барселона"нинг Чемпионлар лигаси чорак финалидаги эҳтимолий рақиблари: "Реал Мадрид", "Арсенал", "Манчестер Сити", "ПСЖ" ва "Бавария". Бундан ташқари яна икки жамоа номи маълум бўлади.
