"Милан" бош мураббийи Стефано Пиоли Европа лигаси 1/8 финалидан ўрин олган "Славия Прага"га қарши жавоб ўйини ҳақида гапирди. Дастлабки ўйинда "россонерилар" 4:2 ҳисобида ғалаба қозонган.
"Бизда иккита тўп фарқи борлигини тушуниб турибмиз, аммо барчаси жавоб ўйинида ҳал бўлади, кейинги босқичдаги ўрнимизни кафолатлашимиз керак. Рақибимиз қандай қилиб ҳужум қилиш, катта кучлар билан олдинга боришни ва бўш жой топишни ҳам билади", - дея Пиоли сўзларини келтиради pianetamilan.it.
Эслатиб ўтамиз, "Милан" ҳеч қачон Европа лигасида ғалаба қозонмаган.
