"Боруссия" дарвозабони Грегор Кобель Чемпионлар лигаси 1/8 финали жавоб учрашувида ПСВ устидан қозонилган ғалаба (2:0) ҳақида фикр билдирди.
“Ажойиб туйғулар. Кейинги босқични интиқлик билан кутамиз. Дастлабки 30 дақиқада уларнинг эркин ўйнашига йўл қўймадик ва ҳақли равишда олдинга чиқиб олдик. Кейин ҳимояда ҳам яхши ўйнашимиз мумкинлигини кўрсатдик. Иккинчи бўлимда улар вазиятлар яратишди, аммо биз ишончли давом этдик. Ҳозир мен кейинги босқичда жуда кучли рақибга дуч келишни интиқлик билан кутяпман. Бугунги ўйин бизга албатта туртки беради", - дея Кобелнинг сўзларини келтиради УЕФА матбуот хизмати.
