Ян Зоммер "Интер"нинг Чемпионлар лигаси 1/8 финалида мусобақадан чиқиб кетишига баҳо берди.

Миланликлар жавоб ўйинида "Атлетико"га (1:2, пенальтилар бўйича 2:3) мағлуб бўлишди (биринчи ўйин – 1:0).

"Оғир мағлубият, жуда оғир. Бизда кўпроқ гол уриш учун яхши имкониятлар бўлди, аммо улардан фойдалана олмадик. Ҳар икки жамоада ҳам имкониятлар бўлди, лекин барчасини кичик нарсалар ҳал қилди.

Албатта, биз хафамиз. Чемпионлар лигасидан ўта оғир мағлубиятдан сўнг чиқиб кетдик. Лекин бизда жуда яхши жамоа бор. Биз бошимизни баланд тутиб, олдинга интилишимиз керак", - дейди "Интер" дарвозабони.