Суперлига 3-турининг илк учрашувида "Локомотив" ўз майдонида "Пахтакор"ни қабул қилиб, йирик 3:0 ҳисобида ғалабага эришди.

"Темирйўлчилар" сафида биринчи бўлимда Сардор Абдунабиев ҳамда Дамьян Крайишник (пенальтидан) ўз ҳисобига гол ёздириб қўйган бўлса, иккинчи бўлимда Иван Булатович киритган гол мезбонларга йирик ғалаба келтирди.

"Локомотив" бу ғалаба орқали очколарини 7 тага етказиб олди ва вақтинчалик 1-ўринга кўтарилди. "Пахтакор" 4 очко билан 7-поғонада.

Ўзбекистон Суперлигаси, 3-тур.
“Локомотив” - “ПАХТАКОР” 3:0
Голлар: Сардор Абдунабиев (21), Крайишник (38), Иван Булатович (48).
Бош ҳакам: Р.Лутфуллин.

"Локомотив": Абдулжалилов, Абдурашидов, Исмоилов, Рогач, Д.Комилов, Крайишник (Мирзаев, 87), Турсунов (Ҳошимбоев, 87), Йўлдошев (Турдиалиев, 81), Ҳасанов, Абдунабиев, Булатович (Ҳакимов, 81).

"Пахтакор": Павлюченко, Саитов, Абдумажидов (Мерк, 46), Асқаров, Адҳамзода, Ортиқбоев, Саиднуруллаев, Холматов, Ҳамдамов (Усмонов, 73), Холдорхонов, Черан.