Суперлиганинг 3-тур доирасида бўлиб ўтган "Локомотив" - "Пахтакор" (3:0) жамоалари ўртасидаги ўйиндан кейин ташкил этилган матбуот анжуманида "шерлар" бош мураббийи Максим Шацких иштирок этди.
"Бизнинг кунимиз бўлмади. Ёшларда барқарорлик етишмади, рақибларга вазиятларни ўзимиз совға қилдик. Улар ўша ҳолатлардан фойдаланиб, гол уриб кетишди. Барчасида йўқ жойдан ўзимиз хатога йўл қўйдик.
Собирхўжаев марказда ҳужумларимизни ривожлантирарди, боғловчи бўлиб берарди. У бетоб бўлиб қолди ва бизга етишмади. Абдуманнонов ҳам ўзига кела олмаяпти" - деди Шацких.
