"Барселона" президенти Жоан Лапорта клубнинг молиявий масалалари бўйича вице-президенти Эдуард Ромеунинг истеъфосига муносабат билдирди.

"Шунча айтилган гаплардан кейин Эдуард ҳақида кўп нарса қўшимча қилолмайман. У менга миннатдорчилик билдириши ҳақида гапирди. Аслида мен унга раҳмат айтишим керак. Клубга қилган хизматлари, фидойилиги, қобилияти, инсоний фазилатлари учун раҳмат айтаман. Яна шуни айтмоқчиманки, "Барcелона" даражасида у клубни қутқаришда асосий шахс бўлди.

Эдуард менга ўз қарори ҳақида хабар берганида, у мендан ўз вазифасини енгиллаштиришимни сўради. Дўстлигимиз туфайли унинг қарорини ҳурмат қилишим керак. Эдуарднинг вазифаларини клубнинг иқтисодий бўлими ўз зиммасига олиши мумкин, бу бўлимга ўз соҳасида ажойиб мутахассислар киради. Эдуард ўз позициясини ишончли қўлларда қолдиради" - деди Лапорта.