"Barselona" prezidenti Joan Laporta klubning moliyaviy masalalari bo‘yicha vise-prezidenti Eduard Romeuning iste’fosiga munosabat bildirdi.

"Shuncha aytilgan gaplardan keyin Eduard haqida ko‘p narsa qo‘shimcha qilolmayman. U menga minnatdorchilik bildirishi haqida gapirdi. Aslida men unga rahmat aytishim kerak. Klubga qilgan xizmatlari, fidoyiligi, qobiliyati, insoniy fazilatlari uchun rahmat aytaman. Yana shuni aytmoqchimanki, "Barcelona" darajasida u klubni qutqarishda asosiy shaxs bo‘ldi.

Eduard menga o‘z qarori haqida xabar berganida, u mendan o‘z vazifasini yengillashtirishimni so‘radi. Do‘stligimiz tufayli uning qarorini hurmat qilishim kerak. Eduardning vazifalarini klubning iqtisodiy bo‘limi o‘z zimmasiga olishi mumkin, bu bo‘limga o‘z sohasida ajoyib mutaxassislar kiradi. Eduard o‘z pozisiyasini ishonchli qo‘llarda qoldiradi" - dedi Laporta.