Пайшанба куни Англия терма жамоасининг бўлажак йиғин учун таркиби эълон қилинди. "Арсенал" ҳимоячиси Бен Уайт сўнгги пайтларда юқори савияда ўйнаган бўлса-да, таркибга киритилмади. Кўринишидан, Уайт Англия терма жамоасига ўзини кўриб чиқишни истамаслигини маълум қилган. Бу ҳақда "уч шерлар" бош мураббийи Гарет Саутгейт айтди.

Шу билан бирга, Саутгейт Уайт ва Англия мураббийлар штаби вакиллари ўртасида ҳеч қандай келишмовчиликлар йўқлигини таъкидлади.

Эслатиб ўтамиз, пайшанба куни "Арсенал" Бен Уайт билан шартномани узайтирганини эълон қилган эди.