Юрген Клопп “Ливерпул”нинг Европа лигаси 1/8 финали доирасидаги “Спарта Прага”га қарши жавоб ўйинида сариқ карточка олди, ўйин “қизиллар”нинг 6:1 ҳисобидаги ғалабаси билан якунланди.
Жарел Куансага берилган яна бир сариқ карточкага қарши чиқишга уринганида, мураббий огоҳлантирилди.
Ўйиндан кейинги матбуот анжуманида журналист Клоппдан нега сариқ карточкадан жаҳли чиққанини сўради.
"Биринчи навбатда, мен аҳмоқман", деб ҳазиллашди "Ливерпуль" бош мураббийи.
“Аслида биз ўзгаришни амалга оширмоқчи эдик ва тўртинчи ҳакам бу ҳақда ишора қилди, бироқ ҳакам ўйин давом этиши керак деган қарорга келди ва биз сариқ карточка олдик.
Муаммо сариқ карточкада эмас эди, мен Конор Брэдли ўша вазиятда жароҳат олишидан қўрқардим.
Ўйиндан сўнг мен ҳакамга сариқ карточка яхши эканини айтдим. Олдин ҳам, кейин ҳам хотиржам эдим, лекин ўша пайтда ҳис-туйғулар билан бироз қизишиб кетдим. Кечирасизлар", – деди мураббий.
