Португалиялик ҳужумчи Рафаэль Леау Италия топ-клубига бўлган садоқати ҳақида гапирди.
“Мен ўзимни 100 фоиз миланлик ҳис қиламан. Малдини ва Ибраҳимович бу клуб қанчалик катта эканлигини тушунишимга ёрдам беришди. "Россонерилар"да ўйнаш мен учун катта шараф. Бу ерда эканлигимдан хурсандман", - дея ҳужумчининг сўзларини келтиради инсайдер Фабрицио Романо.
Италия чемпионатининг жорий мавсумида 24 ёшли форвард 24 та ўйин ўтказиб, 4 та гол ва 7 та голли узатмага муаллифлик қилган. А Сериянинг 28-тури якунларига кўра, "Милан" турнир жадвалида иккинчи ўринда бормоқда.
