Ўзбекистон Суперлигаси 3-тури доирасида ўз майдонида «Олимпик»га қарши баҳсда дуранг ўйнаган Сўғдиёна клуби устози Иван Бошкович ўйин ҳақида ўз фикрларини билдирди.

"Очиғи, бугун кўпроқ нарса кутган эдим. Шогирдларим бошқача ўйин намойиш эта олишига ишонган эдим. Чунки, бугунги ўйинга бошқача тайёргарлик кўрган эдик. Барчаси ўз қўлимизда эди, 2:0 ҳисобида олдинда эдик. Иккинчи таймда ўйинимиз ўхшамади.

Футболда шунақаси ҳам бўлади. Барчаси ўз қўлингда бўла туриб, рақибга имконият берасан. Балки футболчиларим ўйинда чарчашгандир, билмайман. Рақиб ҳатто ўйин охирида яна голга яқин келган ва бизни жазолаши ҳам мумкин эди. Шунинг учун балки 2:2 ҳисоби адолатли натижадир. Легионерларимиз қайтгани жамоамиз учун яхши бўлди. Кейинги ўйинларга жиддийроқ тайёргарлик кўрамиз", — деди Бошкович.