УЕФА Чемпионлар лигасининг 1/4 финали учун ўйинлар тақвимини эълон қилди.

Мусобақанинг навбатдаги босқичи 9 апрель куни “Арсенал” – “Бавария” ҳамда “Реал” – “Манчестер Сити” учрашувлари билан старт олади. Бу икки жуфтликнинг жавоб ўйинлари саккиз кундан кейин, 17 апрель куни бўлиб ўтади.

10 апрель куни "ПСЖ" "Барселона"ни, "Атлетико" эса Дортмунднинг "Боруссия"сини қабул қилади. Жамоаларнинг жавоб ўйинлари олти кундан кейин, 16 апрель куни бўлиб ўтади.

"Атлетико" 10 апрель куни Испания пойтахтида ўйнагани учун "Реал" хавфсизлик нуқтаи назаридан бир кун аввал "Сити"га қарши ўйинни ўтказа олмаслиги ва уни Манчестерга кўчириш кераклиги ҳақида хавотирлар бор эди. Бироқ УЕФА бу мулоҳазаларни инобатга олмади ва қуръада белгиланган тартибни тасдиқлади.

Ярим финал ўйинларининг аниқ саналари ҳали аниқланмаган, улар 18 апрель куни эълон қилинади. "Арсенал" - "Бавария" жуфтлиги ғолиби "Реал Мадрид" - "Манчестер Сити" жуфтлиги ғолиби билан, "ПСЖ" ёки "Барселона" эса "Атлетико Мадрид" - "Боруссия" учрашуви ғолиби билан ўйнайди.