Португалия терма жамоаси мураббийлар штаби жамоанинг шу ойнинг иккинчи ярмида бўлиб ўтадиган бўлажак ўртоқлик учрашувлари учун қайдномасига кимларни чақириш борасида қарор қабул қилди.
Саудиянинг “Ан-Наср” клубининг 39 ёшли ҳужумчиси Криштиану Роналду яна терма жамоага чақирилди.
Март ойида Португалия иккита синов ўйини ўтказади - Швеция ва Словенияга қарши.
Саудия Арабистони чемпионатининг жорий мавсумида Криштиану 22 та ўйинда майдонга тушди. Юлдуз ҳужумчи 23 та гол (8 таси пенальтидан) ва 9 та голли узатмани амалга оширди. Унинг шартномаси 2025 йилнинг ёзига қадар мўлжалланган.
