Бразилиялик собиқ футболчи Дуглас Майкон ватандоши Неймар ҳақидаги саволларга жавоб берди.

– Кўпчиликнинг фикрича, Неймар ўз салоҳиятини тўла намойиш эта олмади. Ҳақиқатан шундайми? Неймарнинг фаолиятига қандай баҳо берасиз?

– Мен учун Неймар – юлдуз. Шахсан ўзим унинг ўйинидан ҳайратланаман. У майдон ташқарисида қилган иш фақат унинг ўзига тегишли. Мен учун у энг мукаммал футболчи бўлиб қолади.

Ҳа, у барча кутган чўққини забт олмади. У "Олтин тўп"ни қўлга кирита олмади. Аммо, футболчи сифатида ўта маҳоратли ўйинчи. Бу билан баҳслашиб бўлмайди. Мен уни ҳайратланишдан чарчамайман. У ноёб иқтидор эгаси.

– У «Барселона»дан «ПСЖ»га ўтиб тўғри қилдими?

– Бу қарорни ўйинчининг ихтиёрига қолдирамиз. Аммо, назаримда, у «Барселона»да қолиши керак эди. Биринчидан, Барселона шаҳри ўзининг жозибаси билан ажралиб туради. Шунингдек, у машҳур футболчилар билан ёнма-ён ўйнаётганди. «Барселона»да қолиш — энг тўғри қарор эди.