Ўзбекистон Суперлигаси 3-тури доирасида "Андижон"га мағлуб бўлган "Сурхон" клуби бош мураббийи Февзи Давлетов мағлубият сабаблари ҳақида гапирди.

"Ўйинга жиддий тайёргарлик кўргандик. Рақиб стандартларда яхши ҳаракат қилишини билардик. Керак бўлмаган жойда рақибга пенальти ҳадя этдик. Иккинчи таймда ҳужумни кучайтиришни сўрадик. Боиси, гол керак эди. Агрессия етишмади.

Ҳар ўйинда қандайдир қийин вазиятга тушяпмиз. Оптимал таркиб танлашда қийналяпмиз. Ҳар ўйин олдидан у ёки бу футболчи жароҳат олиб сафдан чиқяпти.

Футболчиларда қандайдир руҳий муаммолар бордек. Улардан чиқиб кета олмаяпмиз. Мана, Егор Кримец узоқ вақт танаффусдан кейин қайтди, аммо майдондан четлатиляпти.

ФИФА кунларидаги танаффусда назорат баҳсларида майдонга тушамиз. Камчиликлар устида ишлаймиз албатта", — деди Давлетов.