Ла Лиганинг 29-туридан ўрин олган “Реал” – “Осасуна” учрашуви мадридликлар бош мураббийи Карло Анчелотти учун Европанинг етакчи чемпионатларидаги 900-ўйини бўлди.

Ушбу ўйин 4:2 ҳисобида "лос-бланкос"нинг ғалабаси билан якунланди. Умуман олганда, 64 ёшли италиялик мутахассис миллий чемпионатларнинг юқори дивизионларида мураббий сифатида 900 ўйин ўтказган ҳолда 541 марта ғалаба қозонган, 202 бор дуранг ўйнаган ва 156 марта мағлубият аламини тотиб кўрган.

Анчелотти "Парма"ни 68 ўйинда бошқарган, кейин "Ювентус" (84), "Милан" (283), "Челси" (76), "ПСЖ" (57), "Бавария" (40), "Наполи" (53), "Эвертон" (58) ва "Реал" (180) да фаолият олиб борган. Шу билан бирга, мураббий сифатида у Европанинг бешта топ-лигаларида (АПЛ, Лига 1, Бундеслига, А Серия ва Ла Лига) ғолиб чиқди.