Бугун, 17 март, якшанба куни «Динамо» жамоаси Суперлига 3-тури доирасида Олмалиқда ОКМК меҳмони бўлади.

Ушбу жамоалар Ўзбекистон чемпионати доирасида ўзаро 22 марта тўқнаш келишган. Баҳсларнинг 7тасида «Динамо» ғалаба нашидасини сурган бўлса, 11та ўйин «кончилар»нинг ғалабаси билан тугаган. 4 та учрашувда эса жамоалар муроса йўлини танлаган.

Голлар нисбати 22:33 кўринишида, олмалиқликлар фойдасига. Баҳсларда ОКМК 37, «Динамо» 25 очкони қўлга киритган. «Динамо»нинг ўзаро ўйинларда қозонган энг йирик ғалабаси – 4:2 га тенг. ОКМКнинг энг йирик ғалабаси эса 4:0 натижасидир. Жамоаларнинг Суперлига доирасида Олмалиқдаги ўзаро сўнгги учрашувида «Динамо» 2022 йил 0:4 ҳисобида мағлуб бўлганди.

Миржалол Қосимов ва Вадим Абрамов шогирдлари ўртасидаги қарама-қаршилик турнинг эътиборли ўйинларидан бири сифатида эътироф этилмоқда. Ўйин жонли эфирда намойиш этилади.

Суперлига-2024. 3-тур
17 март (якшанба)
ОКМК - «Динамо»
Ҳакам: Иброҳим Исмоилов
VAR ҳаками: Аскер Нажафалиев
Ўйин бошланиш вақти: 18:45
ТВ-трансляция: Foreign Languages