Каталониянинг “Барселона” клубининг ўнг қанот ҳимоячиси Жоау Канселу яна камида бир мавсум “кўк-анорранглилар” лагерида қолиш умидини йўқотмаяпти.
Инсайдер Фернандо Поло берган маълумотларга кўра, португалиялик ижарани яна бир мавсумга узайтиришга рози бўлади. Ёки бўлмаса, агар "Барса" уни сотиб олмоқчи бўлса, "Ман Сити" 20 миллион еврога трансфер нархини тушириб бериши мумкин.
Манбага кўра, агент Хорхе Мендеш мижозининг талабларини амалга ошириш учун тез орада "Манчестер Сити" раҳбарияти билан учрашади.
Эслатиб ўтамиз, "Барселона" ҳам 29 ёшли Канселунинг қолишини истамоқда.
