"Лилль" марказий ҳимоячиси Лени Йоро ўзи тўп тепмоқчи бўлган клуби ҳақида бир қарорга келди. Marca хабарига кўра, франциялик футболчи келаси ёзда "Реал"га ўтиш ниятида.
Манбага кўра, "қироллик клуби" ёш иқтидорни 30-40 миллион евро эвазига трансфер қилмоқчи. Бундай нарх ёрлиғи жуда оддий, чунки 18 ёшли футболчининг ёзда "Лилль" билан шартномаси тугашига бир йил вақт қолади.
Аввалроқ Йорога "Бавария", "Манчестер Юнайтед", "ПСЖ", "Атлетико" ва "Челси" каби клублар қизиқиш билдираётган эди.
Шунга қарамай, франциялик ҳимоячи «Реал»да ўйнашни истайди.
