"Манчестер Юнайтед" бош мураббийи Эрик Тен Хаг ярим ҳимоячи Мейсон Маунт "қизил иблислар"нинг асосий ўйинчисига айланишига ишонч билдирди.

Маунт ўтган ёзда "Челси"дан 60 миллион фунт стерлингга кўчиб ўтганидан бери "МЮ" сафида барча мусобақаларда атиги 12 ўйин ўтказди ва битта голли узатмани амалга оширди.

Маунтнинг Манчестердаги дебют мавсуми жароҳатлар билан ўтди, аммо Англия кубоги чорак финалида "Ливерпул"га қарши ўйин олдидан Тен Хаг 25 ёшли инглиз футболчисининг трансферига шубҳа қилмасликка чақирди.

"Ишончим комилки, у асосий ўйинчи бўлади. У буни исботлаш имкониятига эга эмас. Лекин у "Манчестер Юнайтед" учун жуда яхши футболчи бўлади.

У жуда омадсиз бўлди. Бундай сифатли ўйинчидан фойдалана олмасангиз, бу унинг ҳам, биз ҳам хафа қилади. Биз билганимиздек, у жароҳатлар билан курашган. Лекин у соғлом бўлса ва ритмга кирса, "Манчестер Юнайтед"га ёрдам беришига ишончим комил", - деди Тен Хаг The Guardian билан суҳбатда.