Лондоннинг "Арсенал" клуби "Лейпциг" ҳужумчиси Бенжамин Шешкони фаол кузатиб бормоқда.
Give me sport нашри маълумотларига кўра, "канонирлар" бош мураббийи Микель Артета ўз жамоасида словениялик футболчини кўришни жуда хоҳлайди. Ёзги трансфер ойнасида Шешко 50 миллион еврога сотилиши кутилмоқда. Бу сумма футболчининг "Лейпциг" билан шартномасида кўрсатилган товон пули.
Шешко "Лейпциг" сафида дебют мавсумини ўтказмоқда. Ҳозирда 20 ёшли Бенжамин Бундеслигада 7 та гол урди ва иккита голли узатмани амалга оширди. Ҳужумчига "Челси" ҳам қизиқаётгани ҳақида аввалроқ хабар берилганди.
