"Челси" бош мураббийи Маурисио Почеттино Англия кубоги чорак финалида "Лестер" билан ўйин (4:2) ҳақидаги таассуротлари билан ўртоқлашди.
“Ҳа, кутилганидан ҳам қийинроқ бўлди. Агар биринчи бўлимда яратган барча имкониятларимизни голга айлантирганимизда, ўйлайманки, ўйин 45 дақиқада якунланган бўларди. Лекин биз жуда кўп имкониятларни бой бердик. Бироқ, биз "Уэмбли"да бўлишга тўлиқ лойиқмиз ва энди у ерга яна қайтамиз", - дея Почеттинонинг сўзларини келтиради клуб матбуот хизмати.
Эслатиб ўтамиз, "кўклар"нинг ярим финалдаги рақиби "Манчестер Сити" бўлди.
