«Манчестер Сити» ёзда «МЮ» ҳужумчиси Уэйн Рунини сотиб олиш ниятида эмаслигини маълум қилган. Бу ҳақда «The Guardian» нашри хабар тарқатди.
Манбанинг маълум қилишича, «шаҳарликлар» раҳбарияти футболчи учун турли бонуслар билан қўшиб ҳисоблаганда 300 минг фунт ҳафталик маош беришга тайёр эмас.
Агар «Сити» Руни билан шартнома имзолайдиган бўлса, молиявий «фэйр-плей» шартларини бузган саналади. Агар жамоа Рунини сотиб олишни истаса, бошқа катта миқдорда маош оладиган футболчилардан бирини сотиб юбориши керак бўлади. Жамоа бунга тайёр эмас.
Эслатиб ўтамиз, олдинроқ чиққан хабарларга кўра, «Манчестер Юнайтед» футболчини ёзда 20 миллион фунт стерлинг эвазига сотишга тайёр эканини маълум қилганди.













