Эртага «Қўқон-1912» жамоаси Пролиганинг 2-турида «Бухоро»га қарши майдонга тушади. Жамоалар шу кунга қадар чемпионат баҳсларида жами 30 та учрашувда тўқнаш келишган.

Ўзаро учрашувларнинг 11 тасида қўқонликлар ғалаба қозонган. «Бухоро» жамоаси эса 15 тасида зафар қучган. Яна 4 та баҳсда жамоалар дуранг ўйнашган. Тўплар нисбати 55-43, "Бухоро" фойдасига.

Бухороликлар 49 очкони қўлга киритишган. «Қўқон-1912» очкоси 37 тани ташкил этади.

Қўқонда ўтказилган сўнгги бешта учрашув:

28.02.2020. Қўқон 1912 – Бухоро - 3:0 (1:0)
14.04.2019. Қўқон 1912 – Бухоро - 1:3 (0:2)
22.05.2018. Қўқон 1912 – Бухоро - 1:2 (1:2)
26.05.2017. Қўқон 1912 – Бухоро - 2:1 (2:0)
09.04.2016. Қўқон 1912 – Бухоро - 0:1 (0:0)

Эртанги учрашувга барча «Қўқон-1912» мухлислари ва Фарғона вилояти аҳлини «Истиқлол» стадионига таклиф қиламиз. Учрашув соат 17:40 да старт олади.