"Интер" ҳимоячиси Франческо Ачерби ирқчиликка асосланган фикр билдиргани учун Италия терма жамоасидан четлатилди, дея хабар беради Италия футбол федерацияси расмий сайти.
Воқеа 17 март куни А Сериянинг 29-туридан ўрин олган "Интер" – "Наполи" (1:1) учрашувида содир бўлганди. Неаполликлар футболчиси Хуан Жезус Италия терма жамоаси футболчисининг ҳақоратлари юзасидан учрашув бош ҳакамига шикоят қилди. Ўйиндан сўнг бразилиялик журналистларга ҳамма нарсани айтиб берди. Неаполликлар ҳимоячиси Ачерби кечирим сўраганини қўшимча қилди.
Март ойида Италия терма жамоаси иккита ўртоқлик ўйини ўтказади: Венесуэла (21 март) ва Эквадор (24 март).
Жорий мавсумда 36 ёшли Ачерби "Интер" сафида 32 та ўйинда майдонга тушиб, 2 та гол урди ва 2 та голли узатмани амалга оширди.
